Një konflikt mes dy personave është shoqëruar me të shtëna me armë zjarri në Kurbin dhe plagosjen e njërit prej tyre.
Një konflikt me armë zjarri me pasojë plagosjen e një personi, ka ndodhur një natë më parë në Kurbin.
Mësohet se ngjarja ka ndodhur në orët e vona të mbrëmjes të së premtes në fshatin Mali i Bardhë të Kurbinit, ku shtetasi Admir Shqypi, 30 vjeç ka qëlluar me armë zjarri duke plagosur bashkëfshatarin e tij, 33-vjeçarin Fatjon Lika.
Autori është futur në lokal të fshatit, duke qëlluar me pistoletë 33-vjeçarin. I plagosuri është dërguar në spitalin e Traumës në Tiranë, ndërsa policia është vënë në ndjekje të autorit.
Deri më tani nuk dihen rrethanat se për çfarë janë zënë dy të rinjtë.
Shfaq Komentet (0)
